Kyhn, L.A., Tougaard, J. & Sveegaard, S. 2011: Underwater noise from the drillship Stena Forth in Disko West, Baffin Bay, Greenland. National Environmental Research Institute, Aarhus University, Denmark. 30 pp. – NERI Technical Report No. 838. http://www.dmu.dk/Pub/FR838.pdf
Capricorn Greenland Exploration 1 Limited-ip Kalaallit Nunaanni uuliasiorluni qillerinerit siulliit akuersissuteqarfimmi Siggummi ingerlappai 2010-mi aasakkut ukiakkullu. Uuliasiornerup avatangiisinut sunniutai nalilersorneqarsinnaassappata qillerinerup nalaani nipiliornerup qanoq annertutiginissaa ilisimasariaqarpoq. Tamatumunnga pissutaavoq nipi immami uumasunut, pingaartumik aalisakkanut, puisinut arfernullu, ajoqutaasinnaammat. Taamaattumik DMU umiarsuup qilleriffiusup Stena Forth-ip qillerinerata nalaani nipiliornermik immiusseqqullugu qinnuigineqarsimavoq.
Nipimik immiussinerit taakkua nipit Stella Forth-ip qillerinerani aammalu aserfallataaliilluni umiarsuarmi sulinermit immiutaapput sorliit immiunneqarnissaat siumut aalajangerteernagu. Pisorpaluk itissutsini ungasissutsinilu assigiinngitsuni marlunni 500m aamma 38 km umiarsuaq qillerivik qimallugu immiunneqarpoq. Nipi ungataaniittoq immiunneqarpoq Stena Forth qimallugu aamma qilleriveqarfik Stena Don 211 km qimallugu.
Qillerinermi aserfallatsaaliinermilu nipiliorneq immap iluani erseqqissorujussuuvoq frekvensspekterimilu 20 Hz-imiit 10 kHz-imut erseqqissunik nipitunerpaaffeqartarluni 500 Hz ataallugu sakkortussusilinnik. Taamaalilluni Stena Forth Qeqertarsuup Tunuani qarsupiinnagassaanngitsumik nipiliorfiuvoq immakkut angallannermi nipiliornerusartumit nipitunerulluni aserfallatsaalilluni sulinermi qillerinermilu nipiliorneq uuliamik assartuuterujussuup nipiliorneratut sakkortussuseqartarluni.
