Glahder, C.M., Asmund, G. & Riget, F. 2010: Environmental monitoring at the Nalunaq Gold Mine, South Greenland, 2009. National Environmental Research Institute, Aarhus University. 32 pp. – NERI Technical Report No. 772.
Kujataani Nanortallup kommuniani, Nalunami, misissuilluni nalunaarsuinerit arfinilissaat 2009-mi 15. – 22. augustusimut ingerlanneqarput. 2008-mi augustusimi taamatut misissuinerit kingornagut piiakkanik, Canadami guultitaajagassanik, aqqaneq marloriarluni umiarsuakkut aalalrussisoqarnikuuvoq. Piiaaneq 2008-p naanerani unitsinneqarpoq umiarsuarlu piiakkanik usisoq kingulleq 27- marts 2009 aallarpoq. Angel Mining (Gold)-ip piiaaffik pisiaraa 1. juli 2009, kisiannili avatangiisinik misissuinissap uuma tungaanut suli piiaaneqaqqilersimanngilaq.
Uillut, equutit kanajorlu nalinginnaasoq Kirkespirbugtenimi assigiinngitsuni sisamani katersorneqarput, eqaluit sisujuitsut Kirkespirip kuuani aalisarneqarput tingaasallu snekruslav Cetraria nivalis Kirkespirdalenimi iterlammilu sumiiffinni assigiinngitsuni 20-ni katersorneqarlutik. Tingaasat mingutsinneqanngitsumiit (AMI1) piiaaffeqarfimmut (Fig. 1) nuutaapput. Misissuigassat tamarmik grundstofinik 12-inik peqarnersut misissorneqarput (Hg, Cd, Pb, Zn, Cu, Cr, Ni, As, Se, Co, Mo og Au) misissukkallu inerneri aallaaviusumik toqqammavigineqartumut 1998-2001-imut uuttortarneqarsimasumut siusinnerusukkullu misissuisarnermi angusanut sanilliussuunneqarput.
Uilluni kanassullu tinguini akuusut annertuseriarsimanerannik malunnartoqanngilaq, qeqqussanili misissugassanik tigusiffimmi ataatsimi Co annertuserialaarsimalluni. Taamaattumik immami avatangiisit 2009-mi annikitsuararsuarmik aatsitassarsiornikkut ingerlatanit sunnerneqarsimapput. Co tassani 2006-2008-mut tigusiffimmi tassani annertuseriartarsimavoq.
Eqaluit sisujuitsut tinguini saffiugassat akuusut annertunerulersimanngillat. 2004-2009-mut taamaallaat 2004 aamma 2006 Cr, Co aamma Cd-mik akuusut annikitsumik annertuseriarfiulaarsimapput.
Tingaasani piiakkanik piiaaviup eqqaani ineqarfiusullu eqqaani asersortikkanik katersuiffiit eqqaanni akuusut Cu, Cr, As aamma Co ukiuni siusinnerusunisulli malunnartumik annertuseriarsimapput. Taaneqartuni taakkunani marlunni 2009-mi Cu aamma Cr 2-3-riaammik, As 4-10-riaammik Co-lu 2-10-riaammik annertuseriarsimapput. 2008mi taakkunani marlunni annertuseriaatsit marloriaatingajaasimapput.
2004-2009-mut saffiugassanik taakkuninnga sisamanit akuusut sumiiffinni pineqartuni marlunni assigiiginnanngitsumik annertusiartortut malunnarsimapput 2009-mili saffiugassat sisamat taakkua akuusut najukkani pineqartuni annikillisimallutik. Appariarneq piiaaffiup eqqaani malunnarnerpaavoq. Taama allanngoriarnissaa ilimagineqareersimavoq 2009-mi piiaanikkut ingerlatat annikitsuinnaasimammata.
Tingaasani Cu, Cr, As aamma Co akuusut annertussusiat aqqusinermut ungasissusiannut sanilliullugu 2005-09-mut misissorneqartarsimavoq. Saffiugassanut tamanut tunngatillugu aqqusineq ungasilliartortillugu akuusut aannikilliartortartut erseqqippoq. Ukiuni siuliinisulli aqqusinermiit 1000 m ungasissusilik tikillugu Cu aamma As akuusut annertuseriarsimapput, Cr aamma Co aqqusinermit 500 m ungasissusilimmiit sunnersimaneqanngitsumisut annertussueqaannalersimallulni.
Tingaasani nuutani akuusut 2009-mi akuusut 2008-mi akuusunit annikinnerupput. Aammalu 2009-mi saffiugassat tingaasani nuutani akuusut 2008-mit annikinnerupput.
Hele rapporten i pdf-format (1,85 MB)
