Søndergaard, J., Schiedek, D. & Asmund, G. 2009: Environmental monitoring at the Seqi olivine mine 2008-2009. National Environmental Research Institute, Aarhus University. 48 pp. – NERI Technical Report No. 753. 

Eqikkaaneq

Olivenisiorfik Kitaani Niaqunngunami Seqinnersuusamiittoq 2005-imili ingerlasimavoq. Aatsitassarsiorfiup ammarnissaa sioqqullugu 2004-imi aamma 2005-imi pinngortitap allanngortinneqanngikkallarnermini pissusia sanilliussivissamik misissuiffigineqarpoq ilaatigut qillinerni (ujaqqat naanerini), qeqqussani, uilluni aalisakkanilu sananeqaatit misissorneqarnerat aqqutigalugu. Misissuinerni taakkunani uumassusilinni aatsitassarsiorfiup eqqaaniittuni sananeqaatinik immikkut annertussusilinnik nassaartoqanngilaq.

Aatsitassarsiorfik 2005-imi ammarmalli ukiut tamaasa avatangiisit misissuiffigineqartarput aatsitassarsiorfiup sunniutai malinnaaffiginiarlugit. Imaqarniliaq taanna 2008 aamma 2009-imi misiligutit misissorneqarnerinik imaqarpoq, misissuiffigineqartullu tassaapput qillinerit, qeqqussat, uillut, kanassut aammalu eqaluit.

Sananeqaatit ilaat pingaartumik krom (Cr) aammalu nikkel (Ni) Seqinnersuusap eqqaani qillinerni naammatoorneqarput, taamaalillunilu aatsitassarsiorfimmiit pujoralannik malunnartumik siammarterisoqarsimanera takuneqarsinnaavoq. Aatsitassarsiorfimmut qanittumi 45?g/g Cr aamma 96?g/g Ni tikillugit annertutigisut naammattoorneqarput, taakkulu sanilliussivinniit 100-200-eriaammik annerupput (sananeqaatini taakkunani marlunni 0,2 – 0,5?g/g). Pujoralaat siammarnerat tamanna 2007-imiit 2008-imut qaffariarpoq taavalu 2008-imiit 2009-mut appariarluni. Cr-p kiisalu Ni-p uilluni [Ni 5.98 ?g/g (2008); Cr: 4.24?g/g (2008)] kiisalu qeqqussani [Ni 3.43 ?g/g (2009) aammalu Cr 0.54 ?g/g (2009] qaffariarsimanerat takuneqarpoq, taamaallaalli aallarussuiffiup eqqaani misissuivinni ikittuinnarni. Kanassuni uillunilu tamaaniittuni, tassa Seqinnersuusap eqqaani kangerlummi Long Lakellu aatsitassarsiorfiup eqqaaniittuni sananeqaatinik qaffariartoqarsimanngilaq.

Paasisat taakku tunngavigalugit oqaatigineqarsinnaavoq aatsitassarsiorfimmiit pujoralatserineq 2007-08-mut qaffariartorsimammat kisiannili 2009-imi appariaqqissimalluni, aamma immami avatangiisit sunnigaanerat tamaaniinaq pisuuvoq taamaammallu Niaqunngunap eqqaani kangerlunnut sunniuteqangaanngittutut nalilerneqarluni.

 
Hele rapporten på engelsk i PDF-format (2.2 MB).