Faglig rapport fra DMU nr. 538: Tungmetaller i tang og musling ved Ivittuut 2004. Johansen, P. & Asmund, G. 2005. 28 s.
Eqikkaaneq
Ivittuuni, Kalaallit Nunaata Kujataani Arsuup Kangerluaniittumi aatsitassaq orsugiak 1854-imiit 1987-imut piiarneqarpoq, immikkoortiterneqartarluni umiarsuarnullu usilersuunneqartarluni. Taama aatsitassarsiornikkut kangerluk aqerlumik zink’imillu mingutsinneqarsimavoq. Mingutsitsisuusut tassaanerupput orsugiammik piiaanermi ujaqqat immikkoortiterlugit eqqakkat. Ujaqqat tamakku ilaatigut Ivittuut eqqaani sinerissami nunniuutitut qimanneqarsimapput. Tamakku aqerlussamik zinkissamillu akoqarput, tamakkulu Arsuup Kangerluani tinittarnerup ulittarnerullu kaangakaatittarpaat.
Tamaani mingutsitsineq 1982-imiilli alaatsinaatarineqarpoq. Taama alaatsinaassinermi 1985-imiit taamaallaat qeqqussat uillullu misissorneqartarsimapput, tassa siusinnerusukkut misissuisarnertigut paasineqarmat kangerlummi aalisakkat kinguppaallu aqerlumik zink-imillu mingutsinneqarsimanngitsut. Nalunaarusiami matumani misissuineq nutaanerpaaq, 2004-mi juulimi ingerlanneqartoq, nassuiaatigineqarpoq.
Aqerlup zink’illu equutini uillunilu eqitersimanerata sumi siumugassaanerata takutippaa Ivittuuni talittarfik eqqaalu mingutsitsisuunerpaajuartut.
Equutini aqerlortaqarnerulersimaneq Arsuup Kangerluani Ivittuut eqqaani sinerissami 7 km miss. isorartussusilimmi siumugassaavoq, zink’ertaqarnerulersimaneq misissuiffiusumi sinerissami tamangajammi siumugassaalluni. Uilluni aqerlortaqarnerulersimaneq Arsuup Kangerluani misissuiffigineqartuni tamani siumugassaavoq, aammali kangerluup silataani 3-4 km-inik isorartussusilimmi.
Ivittuut eqqaani sinerissami 10 km miss. isorartussusilimmi uillut ima aqertortaqartigaat uillut tamaani katersat nerinissaat nangaasaarutigineqarluni. Tamanna 1992-ip kingorna allanngorsimanngilaq, taamaattorli siornagut sinerissami isorartunerusumiissimagaluarluni.
2001-imi kingullermik misissuisoqarnerata kingorna qeqqussani uillunilu aqerlortaqassuseq zink’ertaqassuserlu sumiiffit ilaanni qaffassimapput, allanilu apparsimallutik. Piffissarli misissuiffiusoq (1982-imiit 2004-mut) tamaat isigigaanni Arsuup Kangerluani aqerlumik mingutsitsineq milliartortuartoq malunnarpoq. Akerlianilli zink’imik mingutsitsinerup piffissami misissuiffiusumi tamarmi allanngorneranut erseqqissumik takussutissaqanngilaq.
Hele rapporten (på dansk) i pdf-format (417 kB).
