NERI Technical report no. 528. Vitamins and minerals in the traditional Greenland diet. Andersen, S.M. 2005. 44pp.
Eqikkaaneq
Kalaallit qangaaniilli nerisannarisaasa pingaarutaat ukiuni qulikkuutaartuni kingullerni annikilliartorsimavoq. Ullumikkut tamakkua kalaallit nerisaasa 25%-ii missiliorpaat, pingaartumik tassaallutik aalisakkat, timmissat imarmiut imaluunniit miluumasut imarmiut. Nalunaarusiami uani vitaminit mineralillu kalaallit qangaaniilli nerisannarisaanniittut annertussusiat pillugu paasissutissat pissarsiarineqarsinnaasut ataatsimut eqikkarneqarput. Nerisat tamakkua ilarpassuisa annertuumik mingutitsissutinik akoqarneratigut inuit Kalaallit Nunaanniittut saffiugassanik oqimaatsunik organoklorinenillu nerisat aqqutigalugit timiminnut akuliutitsinissamut navianartorsiortinneqarput. Inuussutissat mingutitsisullu isumaliuteqarfiginerisigut mingutitsissutinik vitamininillu ataatsikkortillugit paasisitsiniaanikkut Kalaallit Nunaanni nerisat aaqqiiviginissaata anguneqarnissaa periarfissinneqarsinnaavoq.
Nalunaarut tamaat pdf-format-inngorlugu (887 kB).