Bay, C., Aastrup, P. & Nymand, J. 2008: The NERO line. A vegetation transect in Kobbefjord, West Greenland. National Environmental Research Institute, Aarhus University, Denmark. 40 p. – NERI Technical Report no. 693.

 

Eqikkaaneq

NERO tassaavoq misissuiffimmi NuukBasisimi naasunik misissuiffik Nuup eqqaani Kangerluarsuup qinnguani ittoq. Naanerit assigiinngitsut aammalu naasut assigiinngitsukkuutaat naasuni pingaarutilinni qanoq agguataarsimanerannik malinnaaffiginninnissaq siunertaavoq. Misissuiffik NERO pingaarnermik killiligartaqarpoq marlunni ilaqarluni aappaa sissami masarsuulluni tarajornitsoq aappalu pingaartumik naasoqarfiulluni Deschampsia-Juncusimik taasamik.

 

Orpikkat assigiinngitsut qassiit nuna pukkinnerusoq qallersimasarpaat qattunerasaartorlu annikinnerusumik qallersimasarlugu. Orpigaqarfinni malunnarnerullutik naammattuugassaasarput paarnaqutit (Empetrum nigrum), kigutaarnat nagguii (Vaccinium uliginosum), avaalaqiat (Betula nana), siit (Salix glauca), aappaluttunnguit (Loiseleuria procumbens), kiisalu paarnaqutikuluut (Phyllodoce coerulea). Paarnaqutit tamanit nalinginnaanerpaajupput anorituuni pukkitsujuusarlutik assigiinngitsullu ikittunnguusarlutik, aammalu naggorinnerusuni aputitunerusumilu assigiinngitsukkuutaarnerusarlutik. Paarnaqutinut tulliupput kigutaarnat nagguii, siit, aammalu siit, kiisalu anoritunerusuni aappaluttunnguit.

 

Naaneqarfiit arfineq pingasunut agguataagaapput naasut assigiinngitsuukkuutaat agguataarsimaneri, uumassusii, assigiinngissitaarneri kiisalu nunap isugutassusia, aputitussusiatut naatsorsuutigineqartoq kiisalu nunap ilusaa apeqqutaatillugit. Assigiinngitsullu makkuupput:

 

1. Orpigaqarfiit – orpikkat sorliit naammattuugassaanerunersut apeqqutaatillugu agguataarsimasut, soorlu kigutaarnat nagguii, avaalaqiat aammalu siit

2. Aputitartuut

3. Naggorissut

4. Isugutasut

5. Orpigaqarfiit

6. Naaneqarfiit Deschampsia-Juncus

7. Tatsit taseqqallu

8. Masarsuit tarajornitsut.

 

Nalunaarusiami misissuiffik NERO sukumiisumik oqaluttuarineqarpoq, naaneqarfiup eqqaani Raunkjær atorlugu misissueqqissaarnermit paasisat saqqummiunneqarlutik, naasut taqaasallit tamaani nassaarineqartut allattorneqarlutik kiisalu naasut assigiinngitsukkuutaat naasunik nalunaarsuinermi tunngavittut nunami qanoq ittumiinerit takussutissiorneqarlutik. Misissuinermi naasut taqaasallit kisimik pineqarput.

 

Full report in pdf-format (2.816 KB)