Johansen, P., Asmund, G., Riget, F. & Johansen, K. 2008: Environmental monitoring at the cryolite mine in Ivittuut, South Greenland, 2007. National Environmental Research Institute, University of Aarhus. 32 pp. – NERI Technical Report no. 674.
Arsuup iluatungaani Ilorput-mi Ivittuut 1854-imiit 1987-mut orsugiammik piiaaffiusimavoq, immikkoortiteriffiulluni aallarussuiffiullunilu. Orsugiassiorneq pissutigalugu kangerluk aqerlumik zinkimillu mingutsitaavoq. Mingutsitsinerup aallaavigineruai ujaqqat immikkoortitikkat orsugiammik piiaaffimmeersut. Immikkoortiternerlukut taakku Ivittuut sissaa atuarlugu qimagarneqarsimapput. Aqerlumik zinkimillu akoqarput ulittarneranillu immamut arrortinneqarlutik Ilutsinnut siammarsimallutik.
Mingutsitsineq 1982-imiilli misissuiffigineqartalerpoq. Misissuisarnerni taakkunani 1985-imiit taamaallaat qeqqussat uillullu misissuiffigineqartalersimapput paasineqareersimammat kangerluup aalisagai raajaalu aqerlumik zinkimillu mingutsitaalluarneq ajortut. Nalunaarusiammi matumani misissuineq kingulleq juli 2007-imi pisoq oqaluttuarineqarpoq.
Aqerlup zinkillu qeqqussani uillunilu ittup 2007-imi siammarsimanera aallaavigalugu takuneqarsinnaavoq Ivittuut umiarsualiviata eqqaa mingutsitsinerup aallaaviginerpaagaa.
Qeqqussat Ivittuut eqqaanni Ilutta kangia-tungaani 20 km ungasissusilik tikillugu aqerlortaqarnerupput, taavalu sinerissami misissuiffiusumi tamarmi annerusumik zinkitaqarlutik. Uillut Ilutsinni misissuiffiusumi tamarmi aqerlortaqarnerupput, aammali kangerluup silataani 3-4 km-inik ungasissusilimmi aqerlortaat annertuseqqalluni.
Ivittuut eqqaanni sinerissami 5 km-iterisut isorartussusilimmi uillut ima aqerlortaqartigipput nerineqarnissaat inassutigineqarani. Tamaani paasisat 2004-imi misissukkaniit annikinnerupput aammalu 1982-1992-imi misissuisarnerniit annikinneroqalutik. Piffissami tassanissaaq Ilutta kitaata tungaani sineriak ilanngullugu misissuiffigineqarpoq.
Piffissaq misissuiffiusoq tamaat (1982-2007) isigigaanni Ilutsinni qeqqussat uillullu aqerlortaat annikkilliartorsimavoq. Maanna aqerloq 1982-imiit 2 ½-eriaamik annikinneruvoq. Qeqqussat uillullu annikinnerusumik zinkertaqalersimapput, aqerlulli appariarsimaneratut appariarsimatiginatik.
Hele rapporten i pdf-format (2,032 kB)
