Glahder, C.M., Asmund, G. & Riget, F. 2008: Environmental monitoring at the Nalunaq Gold Mine, South Greenland, 2007. National Environmental Research Institute, University of Aarhus, Denmark. 32 pp. – NERI Technical Report No. 662.
Eqikkaaneq
Taamatut sisamassaanik nalunaarsuilluni misissuineq Kujataani Nanortallup eqqaani, Nalunami eqqaanilu ingerlanneqarpoq 18. julimiit 25- julimut 2007-imi. 2006-imi augustusimi misissuinerup kingornagut aatsitassamik arfineq marloriarluni umiarsuakkut aallarussisoqarnikuuvoq Spaniamut (ataasiarluni) Canadamullu (arfinileriarluni) guulti nunani taakkunani salinneqartussaammat.
Uillut, equutit kanajorlu nalinginnaasoq Iterlassuarmi (Kirkespirbugt) assigiinngitsuni 4-5-ini misissugassanik tigusiffigineqarput, eqaluit sisujuitsut Iterlassuup kuuani kisarineqarlutik tingaasallu Cetraria nivalis Iterlassuarmi iterlaanilu katersuiffinni assiginngitsuni 20-ni katersorneqarlutik. Orsuaasat mingutsinneqanngitsumiitt ujaqqanik piiaaviup eqqaanut (AMI1) nuunneqarput (Titartagaq 1). Misissugassat tamarmik pinngoqqaatinik 12-inik (Hg, Cd, Pb, Zn, Cu, Cr, Ni, As, Se, Co, Mo aamma Au) akoqarnersut misissorneqarput inernerilu 1998-2001-imi naleqqiussuussivimmeersunut, siusinnerusukkullu misissuinermi pissarsiaasarsimasunut naleqqiussuunneqarlutik uuttortarneqarlutik.
Uillut kanassullu tinguini akoqarnerulersimanermik nassaatoqaangilaq, qeqqussanili misissuiffimmi ataatsimi Co akuusoq annikitsumik annertuseriarsimavoq. Taamaalilluni iterlammi annertuseriarnerit ikittuinnaapput, tamannalu paasisariaqarunarluni imaq 2007-imi annikitsuinnarmik sunnerneqarsimasoq. 2004-mi 2005-imilu pingaartumik qeqqussani akuusut, annertujaarsimammata saffiugassat iterlammi akuusut ukiuni kingullerni marlunni naleqqiussuussivimmiittutut iinnangajassumapput.
Eqalunni sisujuitsuni saffiugassanik akoqarnerulersimanermik 2007-imi malugisaqartoqanngilaq. 2004-mi 2006-imilu Cr, Co aamma Cd sanilliussuussivimmut naleqqiullugit annikitsumik annertusilaarsimapput, 2005-imili annertuseriarneqarsimanngilaq.
Orsuaasani gråbjergimut aserortikkamut katersuiffiup eqqaanniittuni aammalu najugaqarfimmiittuni Cu, Cr, As aamma Co-p akuunera siornatigutut sanilliussuussivimmut naleqqiullugu malunnartumik annertuseriarsimapput. Taakkunani marlunni 2007-imi Cu aamma CR tallimariaammik, As 15-20-eriaammik aammalu Co quleriaammik annertuseriarsimallutik. Saffiugassanut sisamanut taakkununnga tunngatillugu annertuseriarneq 2006-imut naleqqiullugu 2007-imi malunnarluarpoq, kisiannili ukiunut tamanut sanilliullugu nalinginnaasumik taamaaliartulersoqarneranik malunnartoqanngilaq. 2004-07-imut Cu aamma As-ip akuuneri malunnartumik najugaqarfiup eqqaaniittuni tingaasani malunnarnerusimavoq ujaqqanik katersuiffimmut naleqqiullugu. 2005-07-imut saffiugassat arlaannaalluunnit ukiut ingerlaneranni orsuaasani aqqusernullu ungasissusianut naleqqiullugu pisumut naleqqiullugu malunnaatilimmik allannguuteqarsimanera malugineqan-ngilaq. Saffiugassat tamarmik akuunerat eqqarsaatigalugu aqqusineq ungasilliartortillugu akkusut annikilliartornerat malunnarluarpoq (titartagaq 3). Ukiuni siuliinisulli 2007-imi malugineqarput Cu, Cr, As aamma Co aqqusinermiit 1000 m miss. ungasissusilik tikillugu annertuseriarsimapput.
Saffiugassat orsuaasaniit arriitsuinnarmik akuujunnaariartortarmata pujoralatserinerup siaruariartorneratigut annikillleriarnermik malugisaqarnissaq ajornakusoorsinnaasarpoq. Misissuineq pitsaanerulersinniarlugu 2007-imi orsuaasat mingutsinneqanngitsut piiaaviup eqqaanut nuussimavagut. Orsuaasat 2008-mi misissornerisigut ukiumut pujoralammit sunnersimaneqarnerup annertussusia aalajangersinnaassavarput.
2007-imissaaq malugineqarsinnaavoq aatsitassarsiornerup avatangiisinik sunniisimanera taamatulliaasiit pingaartumik Iterlassuarmi pujoralatitsinikkut malunnartoq. Iterlassuup Kuuani iterlaanilu annertuseriarnerit annikitsuarannguupput nunalu sunnerneqarsimasoq 2006-imisut annertussuseqaannarluni.
Fuld rapport i pdf-format (1.722 kB)
