Aarhus University Seal / Aarhus Universitets segl

Nr. 343: Ivory gull survey in Greenland 2019

Boertmann, D., Petersen, I.K., Nielsen, H.H. & Haase, E. 2019. Ivory gull survey in Greenland 2019. Aarhus University, DCE – Danish Centre for Environment and Energy, 24 pp. Scientific Report No. 343. http://dce2.au.dk/pub/SR343.pdf

Imaqarniliaq

 

CAFF-ip (Issittup naasuinik uumasuinillu nungutsaaliuineq, Issittumi Siunnersuisoqatigiit ataanniittoq) ataani suleqatigiissitaq 2008-mi siunnersuuteqarpoq ataatsimoortunik silap allanngorneranit ulorianartorsiortitaasunik aqutsinermut atatillugu naajavaarsuit erniortut ataatsimoortukkuutaat annerit tamarmik kisinneqassasut. Issittumi ataatsimoorluni kisitsineq taanna 2019-imi naammassineqarpoq, nalunaarusiarlu manna Kalaallit Nunaanni suliat inernerinik imaqarluni. Kalaallit Nunaanni naajavaarsoqarfiit marluijupput: Avannarliit avannarpasissutsit 79° aamma 83° N akornanni ipput kujalliillu avannarpasissutsit 67° aamma 70° N akornanni illutik. Sumiiffiit taakku marluk juulimiit augustimut timmisartumiit misissuiffigineqarput. Ineqarfii tilisimaneqareersut katillugit 36 takusarneqarmata taakkunannga 16 timmissanit inigineqarput. Taakku saniatigut ineqarfiit nutaat naajavaarsunnit erniorfigineqartut nassaarineqarput. 2018-mi erniorfinni katillugit 25-ini timmissat kisinneqarput, taakkunanngalu 22-it avannarlerniipput 3-illu kujallermiillutik. Naajavaarsuit avannarlermiut siusinnerusukkut kisitsinerup 2008/09-imi ingerlanneqartup kingorna amerlassutsimikkut allannguuteqangaarsimarpasinngillat. Kujallerniittut naajavaarsuit qanoq oqaatigissallugit nalunakuluppoq, erniorfiimi nunataqarfimmi ittut nassaariuminaaqimmata. Kisitsineq ilisimatusarnernut aningaasaliissutit aqqutigalugit aningaasalersorneqarput: Tunup avannaani avatangiisinik misissuineq (Kalaallit Nunaanni Naalakkersuisut) kiisalu ilaatigut Danceap suliniutaa (Danmarkimi Avatangiisinik Aqutsisoqarfik.