Aarhus University Seal / Aarhus Universitets segl

Nr. 278: Environmental monitoring at the Nalunaq Gold Mine, South Greenland, 2017

Bach, L. & Larsen, M.B. 2018. Environmental monitoring at the Nalunaq Gold Mine, South Greenland, 2017. Aarhus University, DCE – Danish Centre for Environment and Energy, 34 pp. Scientific Report from DCE – Danish Centre for Environment and Energy No. 278. http://dce2.au.dk/pub/SR278.pdf

Eqikkaaneq

Nalunami aatsitassarsiortoqareernerata kingorna avatangiisit kissaatigineqanngitsumik sunnerneqarsimasinnaanerat paasiniarlugu misissuinerit 13-issaat ingelanneqarpoq. Taamatut misissuisarnerit 2015-imi aallartinneqarmatali aatsitassarsiorniarlutik misissueqqaartunit aasaanerani taqqavunga tikittoqartarpoq. Aatsitassarsiorfiutileqatigiiffiup Angel Mining Gold A/S-ip atsitassarsiornermik ingerlatsinini november 2013 unitsillugu aatsitassasiorfik matuaa, tamatumalu kingorna pinngortitaq sapinngisamik pissusitoqarisimasaanut uterteqqinniarlugu taqqavanermioq suliffeqarfiutilik torersaanernik sulisinneqarpoq. Torersaaneq naammassineqarpoq 2014 aasaagaa. Aatsitassarsiortoqarnerata nalaani gulti ujaqqamit peerniarlugu toqunartortalimmik cyanidimik atuilluni kemiskimik gultiiaasoqarpoq. Itillersuarmi aatsitassarsiorfiup ingerlanerani cyanid atorneqarmat avatangiisinut nakkutigisamik imikoortoqarpoq, avatangiisillu misissuiffigineqartarnerat aatsitassarsiorfiup matoreernerata kingorna ukiut tallimat ingerlateqqinneqarpoq. Itillersuarmi misissuinerni 2017-imi ingerlanneqartuni imeqarfinnit assigiinngitsunit misissugassanik katersatsinni sunnguamilluunniit cyanidiusinnaasumik akulimmik naammattuuinngilagut. Tamatuma saniatigut Itillersuarmi aatsitassarsiortoqarneranit pinngoqqaatit saffiugassaasinnaasut allat avatangiisinut siaruarsimasinnaanerat paasiniarlugu annertuumik Itillersuup kangerlua ilanngullugu misissuivugut. Misissuinitsinni paasivarput saffiugassanit pisut Itillersuup nunataanut, imeqarfiinut imartaanullu akulerussimasut annertussusiat appariartortoq, maannakkullu appasingaalermammat soqutaanngitsutut taaneqarsinnaalerluni.

DCE-p Pinngortitaleriffillu nalilerpaat taqqavani avatangiisit mingutsinneqannginnissaat anguniarlugu iliuuseqaqqittariaqarnissaq pisariaaruttoq. Taamaattumik avatangiisit mianeriniarlugit malinnaaffiginnilluni misissuisarnerit 2019-imi unitsinneqarnissaat naatsorsuutigineqarpoq