Boertmann, D. & Petersen, I.K. 2016. Aerial survey of geese, seaducks and other wildlife in the Disko Bay area, West Greenland, July 2015. Aarhus University, DCE – Danish Centre for Environment and Energy, 26 pp. Technical Report from DCE – Danish Centre for Environment and Energy No. 78. http://dce2.au.dk/pub/TR78.pdf
Nalunaarusiami tassani Kalaallit Nunaata Kitaani Qeqertarsuup eqqaani timmisartumiit 2015 juulimi kisitsinermi paasisat nalunaarusiorneqarput. Kisitsineq uulisiasiortoqarnerani avatangiisit pillugit periusissiornissaq siunertaralugu paasissutissanik katersilluni ilisimatusarnermut ilaavoq tassami Qeqertarsuaq aammalu Nuussuup affaa avalleq 2016-imi upernaakkut uuliaqarneranik misisssueqqissaarnissamut
ammaanneqarnissaat pilersaarutaammata. Kisitsinermi uppernarsarneqarpoq Kalaallit Nunaata nerlerisa isasarfii pingaarutillit siusinnerusukkut sumiiffissineqarsimasut suli timmisanut ataatsimoortukkuutaanut pingaaruteqarmata. Nerlerit ataatsimoortukkuutaat taakku assorujussuaq ikilisimapput, tamannalu aamma kisitsiffinni ataasiakkaani paasisatigut takuneqarsinnaavoq. Aammattaaq mitit sinerissami isasut kisinneqarput, tassani paasineqarpoq 1998-imi assingusumik kisitsinermut sanilliullugu taakku pingasoriaammik amerlassuseqalersimasut. Tamanna 2001-imi upernaakkut piniartarnerup annertuumik killilerneqarneratigut piniarnermut malittarisassanik allannguinermik pissuteqassagunarpoq.
