Søndergaard, J., Hansen, V., Bach, L., Jørgensen, C.J., Jia, Y. & Asmund, G. 2018. Geochemical test work in Environmental Impact Assessments for mining projects in Greenland - Recommendations by DCE and GINR. Aarhus University, DCE – Danish Centre for Environment and Energy, 46 pp. Technical Report No. 132. http://dce2.au.dk/pub/TR132.pdf
Aatsitassarsiorfimmiit eqqakkaniit sananeqaatinik ulorianaatilinnik siammartoqarnissaanik eqqoriaasarnerit tassaapput aatsitassarsiorfiit avatangiisinut sunniutissaanik naliliinermut ilaasartut pingaarutillit. Tamatumani ujaqqat akuinik misileraasarnerit pingaaruteqarluinnarput. Ullumikkut ujaqqat akuinik misissueriaatsit assigiinngissitaartut tamarmik immikkut pitsaaqqutitaqarlutillu ajoqutitaqartut atorneqartarput, periaatsit sorliit atorneqarnissaannut apeqqutaasarput eqqakkat qanoq ittuussusii, sa-naneqaatit avatangiisinut ulorianaatillit suunersut, aammalu eqqakkat avatangiisinit qanoq ittuni iginneqarumaarnersut, il.il.
Taamaammat Kalaallit Nunaanni aatsitassarsiorfiit avatangiisinut sunniutissaannik nalunaarusiortoqartillugu ujaqqat akuinik misileraanermi najoqqutassanik aalajangersimasunik suliaqarnissaq pisariaqarpoq. Taama maleruagassiornikkut aatsitassarsiorfiit Kalaallit Nunaanni ingerlatallit
siusinaarlutik ujaqqat akuinik misileraanernik paasisaqarluarsinnaalissapput piumasaqaatinillu naammassinnissinnaalissallutik. Taamaalillutik aatsitassarsioqatigiiffiit avatangiisinut sunniutissanik nalunaarusiat suliari-neqarnerinik pitsanngorsaaqataasinnaapput.
Danmarkimi Avatangiisinut Nukissiutinullu Misissuisoqarfiup / Pinngortitaleriffiup nalunaarusiaa manna Kalaallit Nunaanni aatsitassarsiornerit avatangiisinut sunniutissaannik nalunaarusiornermut atatillugu ujaqqat akuinik misileraanermi najoqqutassat pillugit paasissutissanik kaammattuutinillu aalajangersimasunik imaqarpoq. Misiligutissanik katersinermut, misissueriaatsinut, inernerinik paasiniaanernut, eqqoriaanernut nalunaarusiornermullu tunngasunik nalunaarusiaq imaqarpoq. Kiisalu nalunaarusiap imarai suleriaatsit pillugit kaammattuutit ujaqqat akuinik misissuinerit, misissukkat inernerinik paasi-niaanerit kiisalu eqqoriaanerit avatangiisinut sunniutissanik nassuiaammut ilanngunneqarnissaannut tunngasut pillugit aatsitassarsioqatigiiffiup, oqartussat aammalu siunnersortit piffissaq eqqorlugu attaveqatigiisikkumallugit suleriaasissanut tunngasut.
Kaammattuutini tunngavigineqarput najoqqutassiat Canadami, USA-mi, Australiamilu kiisalu nunat tamalaat suleqatigiiffiini atorneqartut (taakkununngalu nallersuunniartoqarpoq) kiisalu Danmarkimi Avaangiisiik Nukissiutinillu Misissuisoqarfiup kiisalu Pinngortitaleriffiup Kalaallit Nunaanni siusinnerusukkut aatsitassarsiortarnernit misilittagai.
